«Реал» Мадриднинг энг фаол мухлислар гуруҳларидан бири бўлган «Ультрас Сур» клуб президенти Флорентино Переснинг фаолиятига кескин эътироз билдирди. Мухлислар президентга нисбатан оғир айбловлар акс этган баннерни намойиш қилишди.
Ишқибозлар ўз баннерида Пересга тиббий ташхис қўйиш даражасигача боришди ва уни «ақли заифлик» (деменция)да айблашди.
«Деменциядан азият чекаётган президент билан бизнинг мавсумимиз апрель ойидаёқ тугамоқда», — деб ёзилган «Ультрас Сур» гуруҳи томонидан илинган баннерда.
Эслатиб ўтамиз, аввалроқ Флорентино Перес «Реал» президентлиги учун муддатидан олдин сайловлар ўтказилишини эълон қилган эди. У сайлов жараёнини тезроқ бошлашга қарор қилган ва ўз номзодини яна қайта қўйиш ниятида.
