«Манчестер Юнайтед» раҳбарияти Майкл Кэррикнинг жамоага доимий бош мураббий этиб тайинланишини қўллаб-қувватлайди. The Athletic хабарига кўра, бу масала клуб ижроия қўмитасининг яқин орадаги йиғилишида ҳаммуассис Жим Рэтклифф иштирокида муҳокама қилинади.
Бош директор Омар Беррада ва спорт директори Жейсон Уилкокс жамоа билан айнан Кэррик ишлашда давом этиши керак деб ҳисобламоқда. Мутахассис ҳозирданоқ кейинги мавсум режаларини тузишда иштирок этмоқда. Якуний қарор Рэтклиффда қолса-да, футболчилар ва клуб ходимлари орасида мураббий ўз лавозимида қолишига бўлган ишонч ортиб бормоқда.
Кэррик келган вақтда «МЮ» АПЛда еттинчи ўринда эди, ҳозирда жамоа учинчи ўринда бормоқда ва кейинги мавсум учун Чемпионлар лигаси йўлланмасини нақд қилиб бўлган.
