Бразилия терма жамоаси бош мураббийи Карло Анчелотти «Порту» ҳимоячиси Тьяго Силванинг Жаҳон чемпионатига бориш имкониятлари ҳақидаги саволга жавоб берди.
The Guardian нашрига берган интервьюсида италиялик мутахассис 41 ёшли футболчининг хизматларига эҳтиёж сезаётганини таъкидлади.
«Ҳа, Тьяго Силва менинг Жаҳон чемпионати учун режаларимга киритилган. У ажойиб ўйин кўрсатмоқда, Португалия чемпионлигини қўлга киритди ва айни дамда жисмоний ҳолати жуда яхши. Терма жамоа учун етакчилар жуда муҳим. Бахтимизга, таркибимизда катта обрўга эга бўлган етакчилар бор», — дейди Анчелотти.
Маълумот учун, Тьяго Силва жорий мавсумда «Порту» сафида барча турнирларда 14 та учрашувда майдонга тушди. Унинг Португалия клуби билан амалдаги шартномаси 2026 йилнинг 30 июнига қадар мўлжалланган.
