UFC собиқ чемпиони, нигериялик Камару Усманнинг фикрича, ўрта вазн тоифасида собиқ чемпионликка даъвогар (84 кг гача) Хамзат Чимаев навбатдаги жангини бразилиялик Пауло Костага қарши ўтказиши керак.
«Пауло Коста Азамат Мурзаканов билан жангда қанчалик ажойиб кўринганини эсланг. Эшитинг, бу ҳақиқий бомба! Пауло Костани ерга йиқитиш ва ушлаб туриш қанчалик қийинлигини яхши биламиз. Бу даҳшатли тўқнашув бўлади», — деди Усман «Pound 4 Pound with Kamaru & Henry» подкастида.
Маълумот учун, Коста ўзининг сўнгги жангини апрель ойида Майамида бўлиб ўтган UFC 327 турнирида ўтказган эди. Ўшанда у россиялик Азамат Мурзакановни техник нокаут билан мағлуб этиб, ярим оғир вазнда (93 кг гача) муваффақиятли дебют қилган.
