Мадриднинг «Реал» клуби ҳужумкор ярим ҳимоячиси Браим Диас фаолиятини Италия А Сериясида давом эттириши мумкин. Италия ОАВларининг хабар беришича, Туриннинг «Ювентус» клуби футболчининг хизматларига жиддий қизиқиш билдирмоқда.
«Кекса синьора» раҳбарияти тез орада марокашлик футболчининг трансфери бўйича «қироллик клуби»га расмий таклиф юборишга тайёргарлик кўрмоқда. 26 ёшли виннерга «Юве» ҳужум чизиғини кучайтира оладиган асосий номзод сифатида қарамоқда.
Браим Диаснинг «қаймоқранглилар» билан амалдаги шартномаси 2027 йилнинг июнь ойи охиригача мўлжалланган. Transfermarkt портали футболчининг трансфер қийматини 35 миллион еврога баҳоламоқда.
Маълумот учун, Браим Диас жорий мавсумда Испания чемпионати доирасида 27 та учрашувда майдонга тушди. Марокаш терма жамоаси аъзоси ушбу баҳсларда 5 та голли узатмани амалга оширишга муваффақ бўлган.
