«Челси»нинг собиқ ҳужумчиси Джимми Флойд Хассельбайнк Англия Кубоги финалида Лондон клуби «Манчестер Сити» билан ўйнайдиган бўлажак учрашув ҳақида фикр билдирди.

«Қоғозда бу «Челси» учун жуда оғир ва қийин кўринади. Агар сиз менга «Челси» «Ливерпуль» билан дуранг ўйнайди ва шу билан бирга жуда яхши ўйин кўрсатиб, ғалабага лойиқ бўлади деганингизда, мен: Ростданми? деган бўлардим. Уларнинг охирги пайтлардаги ўйинини ҳисобга олсак, бу катта синов ва қийин бўлади, лекин иложи бор. Бир неча ой олдин «Челси» «Манчестер Сити» билан дуранг ўйнаганди, ўшанда иккинчи бўлимда улар ажойиб ҳаракат қилишганди. Финал — бу финал, нима бўлишини ҳеч қачон билмайсиз. Бу чиқиб кетиш тизимидаги ўйин, шунинг учун курашишга арзийди», — деди Хассельбайнк Sky Sports нашрига берган интервьюсида.

Эслатиб ўтамиз, «Манчестер Сити» ва «Челси» ўртасидаги Англия Кубоги финали 16 май куни бўлиб ўтади.