«Барселона» ҳужум чизиғини кучайтириш учун Хулиан Альварес ўрнига Жоао Педро номзодини кўриб чиқмоқда.

Mundo Deportivo нашрининг хабарига кўра, «Атлетико» ҳужумчиси Альварес узоқ вақт давомида каталонияликларнинг асосий мақсади бўлиб келган. Бироқ аргентиналик футболчининг трансфери билан боғлиқ қийинчиликлар сабабли клуб бошқа вариантларга ўтишга мажбур бўлмоқда.

Маълумотларга кўра:

«Блауграна» Альварес учун 100 миллион евро тўлашга тайёр эди, бироқ «ПСЖ» бундан ҳам каттароқ сумма таклиф қилиши мумкин.

«Атлетико» футболчини ўз сафида сақлаб қола олмаслигига кўзи етган, лекин уни тўғридан-тўғри рақобатчисига сотишни истамаяпти.

Шу сабабли «Барселона» спорт директори эътиборини «Челси» ҳужумчиси Жоао Педрога қаратган. Унинг трансфери 70 миллион еврога баҳоланмоқда. Каталонияликлар бразилиялик футболчининг вакиллари билан аллақачон боғланишган. Агар «Челси» мавсум якунига кўра еврокубокларга йўлланма ололмаса, «Барса» уни қўлга киритиш учун бор кучини ишга солади.

Жорий АПЛ мавсумида Жоао Педро 34 та ўйинда майдонга тушиб, 15 та гол урди ва 5 та голли узатмани амалга оширди.