«Ливерпуль» дарвозабони Алиссон Бекер ёзги трансфер ойнасида «Ювентус»га ўтиши мумкин. Турин клуби бразилиялик посбоннинг трансфери устида ишлашда давом этмоқда, унинг жамоага келишини бош мураббий Лучано Спаллетти фаол равишда талаб қилмоқда.

Инсайдер Николо Скиранинг маълумотларига кўра, «кекса синьора» дарвозабонга йиллик 5 миллион евро маош билан 2029 йилгача мўлжалланган шартнома таклиф қилади. 33 ёшли футболчининг ўзи ушбу трансферга қизиқиш билдирмоқда.

Ҳозирда «Ювентус» «Ливерпуль» клубига илк расмий таклифини тайёрламоқда. Алиссоннинг «қизиллар» билан амалдаги келишуви келаси йилнинг ёзида ниҳоясига етади. «Рома»нинг собиқ аъзоси Transfermarkt экспертлари томонидан 17 миллион еврога баҳоланмоқда.