Мадриднинг «Реал» клуби ҳужумчиси Гонсало Гарсия «Реал Овьедо»га қарши ўйиндан (2:0) сўнг журналистлар билан суҳбатлашди. 22 ёшли футболчи 44-дақиқада ҳисобни очди, 69-дақиқада эса унинг ўрнига Килиан Мбаппе майдонга тушди.

«Мен ҳаяжондаман, ўйиндан жуда мамнунман. «Эл-класико»даги мағлубиятдан сўнг стадионимиздаги муҳит таранг бўлишини билардик. Шунингдек, «Овьедо» бор имкониятини кўрсатишга ҳаракат қилишини ҳам тушуниб тургандик. Биз ўз мухлисларимиз қаршисида клуб учун курашиш иштиёқини намойиш этдик. Гол урганимдан жуда хурсандман, лекин ғалабамиз мени янада кўпроқ қувонтиради», — дея Гарсиянинг интервьюсидан иқтибос келтиради Madrid Universal.

Эслатиб ўтамиз, «қаймоқранглилар» айнан ўтган турда «Барселона»дан учралган мағлубиятдан сўнг чемпионлик учун математик имкониятларини йўқотган эди.