Руни Барджи учун «Барселона»даги дебют мавсуми бир хил кечмади. Швед футболчиси майдонда кам вақт ўтказмоқда ва бундан ўзи ҳам унчалик мамнун эмаслигини тан олган эди.
«Sport» нашрининг маълумотларига кўра, каталонияликлар ҳали ҳам 20 ёшли футболчини катта истеъдод эгаси деб ҳисоблашмоқда, бироқ яқинлашиб келаётган мавсумлар оралиғида унинг жамоани тарк этиши истисно этилмаяпти. Агар муносиб таклиф тушса, «кўк-анорранглилар» вингерни ижарага юборишлари мумкин.
Барджи ўтган йилнинг июль ойида «Копенгаген»дан «Барселона»га ўтган эди. Жорий мавсумда футболчи Ханс-Дитер Флик жамоаси сафида барча турнирларда 27 та ўйинда майдонга тушиб, ўз ҳисобига иккита гол ва тўртта голли узатмани ёздириб қўйди. Transfermarkt портали Рунининг қийматини 15 миллион еврога баҳоламоқда.
