Ўзбекистонлик UFC жангчиси Рамазон Темиров навбатдаги жангини австралиялик Стив Эрцегга қарши ўтказади. Бу ҳақда ўзбекистонлик спортчи ўзининг Instagram саҳифасида хабар берди.
Мазкур жанг 25 июль куни Абу Даби шаҳри мезбонлик қиладиган UFC Fight Night турнири доирасида ўтказилади.
Ўзбекистонлик UFC жангчиси Рамазон Темиров допинг қоидаларини бузганликда айбланиб, 6 ойга дисквалификация қилинган эди.
Эслатиб ўтамиз, 2025 йилнинг июль ойида Рамазон Темиров қозоғистонлик аралаш жанг санъати устаси Асу Алмабаевга қарши октагонга чиқиши керак эди. Бироқ жанг олдидан ўзбекистонлик спортчининг допинг намуналарида тақиқланган модда аниқлангани сабабли баҳс бекор қилинган.
Спортчи Таиландда ўтказган машғулотлари чоғида инфекцион яра билан боғлиқ муаммога дуч келган. Даволаниш жараёнида шифокор тавсия қилган дори воситасининг таркибида тақиқланган модда бўлган.
29 ёшли Темиров профессионал фаолиятида 22 жанг ўтказган (19 ғалаба, 3 мағлубият). UFC’да эса икки марта октагонга чиқиб, уларнинг ҳар иккисида ғалаба қозонган. Бу жанг Темиров учун UFC промоушенидаги 3-жанги ҳисобланади. “Темурлан” UFC’даги илк жангини 2024 йилнинг октябрида, иккинчисини 2025 йилнинг 2 март санасида ўтказган.
30 ёшли Стив Эрцег фаолияти давомида 18 та жанг ўтказиб, 14 та ғалаба ва 4 та мағлубият қайд этган. UFC оламида “Астро бой” лақаби билан танилган, сўнгги йилларда энг тез кўтарилган MMA жангчиларидан бири. Эрцег 2024 йил май ойида UFC 301 турниридан сўнг машҳурликка эришди. Ўшанда у кутилмаганда дивизион чемпиони Алешандре Пантожага қарши чемпионлик жанги учун номзод сифатида танланган эди.
Бразилияда ўтган жангда Эрцег чемпионга муносиб қаршилик кўрсатди. Гарчи ҳакамлар қарори билан мағлуб бўлганига қарамасдан унинг техникаси ва чидамлилиги MMA экспертлари томонидан юқори баҳоланди.
Шундан сўнг австралиялик спортчи энг енгил вазн тоифасининг юлдузлари – Кай Кара-Франс ва Брендон Моренога имкониятни бой берди. Сўнгги иккита жангида эса Оси Осборн ва Тим Эллиотни мағлуб этди. Эрсег айни вақтда ушбу вазн рейтингида 10-ўринда қайд этилган бўлса, мянмалик Жошуа Ван амалдаги чемпион ҳисобланади.
| 14/05 00:00 | Манчестер Сити | 3-0 | Кристал Пэлас | ||
| 14/05 00:30 | Алавес | 1-0 | Барселона | ||
| 14/05 00:30 | Хетафе | 3-1 | Мальорка | ||
| 14/05 22:00 | Валенсия | 1-1 | Райо Вальекано | ||
| 14/05 23:00 | Жирона | 1-1 | Реал Сосьедад | ||
| 15/05 00:30 | Реал Мадрид | 2-0 | Реал Овьедо | ||
| 16/05 00:00 | Астон Вилла | - | Ливерпуль |
UFC. Рамазон Темировнинг навбатдаги рақиби ва жанг санаси маълум бўлди
| Баҳо: |
+ | -
|
Рукн: Янгиликлар
Манба: daryo.uz
Киритилди: 21:09, 15.05.2026.
Ўқилди: 435 марта.
Фикрлар: 0 та.
Ўқилди: 435 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
Арбелоа - «Реал» футболчисига: «Бор, мураббийлик лицензиясини ол» [2047]
Исроил мудофаа вазири Ламин Ямални Фаластин байроғини кўтаргани учун танқид қилди [1958]
Мбаппе Арбелоага нисбатан ўз норозилигини билдирди [1932]
«Барселона» «Манчестер Сити» футболчиси учун курашда фаворит [1851]
Иқтидорли футболчи Франция термасидан воз кечиб, Марокашни танлади [1796]
Дешам нима учун Лакруа ва Матетани чақириб, Камавингани ЖЧга олиб бормаслигини тушунтирди [1587]
Мбаппе Вальверде ва Тчуамени жанжали ҳақида фикр билдирди [1488]
Мбаппе Вальверде ва Тчуамени ўртасидаги муштлашувга изоҳ берди [1402]
Бельгия терма жамоаси Жаҳон чемпионати учун расмий таркибини эълон қилди [1329]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|