Англия Премьер-лигаси 37-турида «Ливерпуль» сафарда «Астон Вилла»га 2:4 ҳисобида мағлуб бўлди. Ушбу натижадан кейин мерсисайдликлар клуб тарихидаги энг ёмон кўрсаткичлардан бирини қайд этди.

Anything Liverpool саҳифаси маълумотига кўра, бу «Ливерпуль»нинг жорий мавсум барча мусобақалардаги 20-мағлубияти бўлди. Шу тариқа Арне Слот клуб тарихида бир мавсумда 20 ва ундан ортиқ ўйинда ютқазган илк бош мураббийга айланди.

Аввалги антирекорд испаниялик мутахассис Рафаэль Бенитесга тегишли эди. У «Ливерпуль» билан 2004/2005 ва 2009/2010 мавсумларида 19 тадан мағлубият қайд этган.

Жорий мавсумда «қизиллар»:

— АПЛда 12 та,
— Чемпионлар лигасида 5 та,
— Англия Кубогида 1 та,
— Англия Лигаси Кубогида 1 та,
— мамлакат Суперкубоги баҳсида 1 та мағлубиятга учради.