«Барселона» клубида аллақачон янги мавсум учун жамоа таркибини режалаштириш ишлари бошлаб юборилган. Mundo Deportivo нашрининг хабар беришича, Каталония грандининг асосий дарвозабони сифатида Жоан Гарсия қолади, унинг ўринбосари вазифасини эса Войцех Шесни бажаради. Марк-Андре тер Штеген ва Иньяки Пенья мос равишда «Жирона» ҳамда «Эльче»даги ижарадан қайтишади, бироқ «кўк-анорранглилар» таркибида улар учун жой топилмайди – катта эҳтимол билан иккала посбонга ҳам янги клуб излашга тўғри келади.
Яқиндагина «Барселона» Ла Лигада кетма-кет иккинчи бор чемпионликни қўлга киритишни нақд қилган эди. Мавсумнинг сўнгги икки учрашувида Ханс-Дитер Флик шогирдлари «Бетис» (17 май) ва «Валенсия» (23 май) жамоаларига қарши майдонга тушишади.
