«Barselona» klubida allaqachon yangi mavsum uchun jamoa tarkibini rejalashtirish ishlari boshlab yuborilgan. Mundo Deportivo nashrining xabar berishicha, Kataloniya grandining asosiy darvozaboni sifatida Joan Garsiya qoladi, uning o‘rinbosari vazifasini esa Voysex Shesni bajaradi. Mark-Andre ter Shtegen va Inyaki Penya mos ravishda «Jirona» hamda «Elche»dagi ijaradan qaytishadi, biroq «ko‘k-anorranglilar» tarkibida ular uchun joy topilmaydi – katta ehtimol bilan ikkala posbonga ham yangi klub izlashga to‘g‘ri keladi.
Yaqindagina «Barselona» La Ligada ketma-ket ikkinchi bor chempionlikni qo‘lga kiritishni naqd qilgan edi. Mavsumning so‘nggi ikki uchrashuvida Xans-Diter Flik shogirdlari «Betis» (17 may) va «Valensiya» (23 may) jamoalariga qarshi maydonga tushishadi.
