«Манчестер Сити» бош мураббийи Хосеп Гвардиола Эрлинг Холанднинг «Уэмбли» стадионида орзиқиб кутилган голини уришига ишонмоқда. Норвегиялик ҳужумчи «шаҳарликлар» сафида мамлакатнинг бош стадионида саккизта ўйин ўтказган бўлса-да, уларнинг бирортасида рақиб дарвозасини ишғол қила олмаган. Бугун форвард Англия Кубоги финали доирасида «Челси»га қарши кечадиган баҳсда ушбу нохуш серияга чек қўйишга ҳаракат қилади.
«О, йўқ. Ажойиб. Менга бундай саволлар ёқади. Демак, бу сафар ҳаммаси ўзгаради. Бир томондан, менга бундай саволларни берманг, лекин иккинчи томондан – бу жуда яхши. Эрлинг финалда гол уради», – дея Гвардиоланинг сўзларидан иқтибос келтиради The Touchline.
«Манчестер Сити» – «Челси» учрашуви Тошкент вақти билан соат 19:00 да старт олади.
