«Manchester Siti» bosh murabbiyi Xosep Gvardiola Erling Xolandning «Uembli» stadionida orziqib kutilgan golini urishiga ishonmoqda. Norvegiyalik hujumchi «shaharliklar» safida mamlakatning bosh stadionida sakkizta o‘yin o‘tkazgan bo‘lsa-da, ularning birortasida raqib darvozasini ishg‘ol qila olmagan. Bugun forvard Angliya Kubogi finali doirasida «Chelsi»ga qarshi kechadigan bahsda ushbu noxush seriyaga chek qo‘yishga harakat qiladi.
«O, yo‘q. Ajoyib. Menga bunday savollar yoqadi. Demak, bu safar hammasi o‘zgaradi. Bir tomondan, menga bunday savollarni bermang, lekin ikkinchi tomondan – bu juda yaxshi. Erling finalda gol uradi», – deya Gvardiolaning so‘zlaridan iqtibos keltiradi The Touchline.
«Manchester Siti» – «Chelsi» uchrashuvi Toshkent vaqti bilan soat 19:00 da start oladi.
