«ПСЖ» бош мураббийи Луис Энрике ўзининг бизнес фаолиятига ўзгартиришлар киритди. Испаниялик мутахассис ўзига тегишли кўчмас мулк агентлигининг бош директорлиги лавозимидан кетиб, раҳбарликни рафиқасига топширди. Бу ҳақда Goal ахборот агентлиги хабар бермоқда.
Унинг Барселона шаҳрида жойлашган «Patrimonial Lupasi SL» компанияси Испания бозорида жиддий мавқега эга. Мазкур кўчмас мулк агентлиги 27 миллион еврога баҳоланади. Энрике компаниядаги раҳбарлик лавозимини тарк этишидан бироз аввал бизнесга 1,4 миллион евро миқдорида қўшимча маблағ киритишга қарор қилган. Таъкидлаш жоизки, унинг рафиқаси компания фаолияти билан жуда яхши таниш. Шунингдек, у нуфузли Барселона университетининг иқтисод факултети дипломига эга ва кўчмас мулк бозорини мукаммал тушунади.
