«Астон Вилла» ҳужумчиси Олли Уоткинс Премьер-лиганинг 37-тури доирасида «Ливерпуль» устидан қозонилган ғалабадан сўнг (4:2) интервью берди. Инглиз форварди жума кунги баҳснинг 56 ва 72-дақиқаларида рақиб дарвозасини ишғол қилиб, дубль қайд этди ва учрашув қаҳрамонларидан бирига айланди.
«Ливерпуль» ҳимояда юқори чизиқдан фойдаланади, бироқ улар рақибни офсайдга туширишга улгуришмаяпти ва тарқоқ ҳаракат қилишяпти. Мен олдинда фойдаланишим мумкин бўлган жуда кўп бўш жой борлигини кўрдим. «Ливерпуль»нинг марказий ҳимоячилари – жаҳон даражасидаги футболчилар, уларни жуда ҳурмат қиламан, лекин уларга қарши ўйнаш мен учун қулай бўлди. Мен ҳимоячилар ортига очилишни яхши кўраман», – деди Уоткинс Sky Sports га берган интервьюсида.
Ўзаро баҳсда қозонилган ғалаба «Вилла»га мерсисайдликларни ортда қолдириб, турнир жадвалида тўртинчи ўринга кўтарилиб олиш имконини берди. Унаи Эмери жамоаси келаси мавсум учун Чемпионлар лигаси йўлланмасини нақд қилди.
