«Aston Villa» hujumchisi Olli Uotkins Premyer-liganing 37-turi doirasida «Liverpul» ustidan qozonilgan g‘alabadan so‘ng (4:2) intervyu berdi. Ingliz forvardi juma kungi bahsning 56 va 72-daqiqalarida raqib darvozasini ishg‘ol qilib, dubl qayd etdi va uchrashuv qahramonlaridan biriga aylandi.
«Liverpul» himoyada yuqori chiziqdan foydalanadi, biroq ular raqibni ofsaydga tushirishga ulgurishmayapti va tarqoq harakat qilishyapti. Men oldinda foydalanishim mumkin bo‘lgan juda ko‘p bo‘sh joy borligini ko‘rdim. «Liverpul»ning markaziy himoyachilari – jahon darajasidagi futbolchilar, ularni juda hurmat qilaman, lekin ularga qarshi o‘ynash men uchun qulay bo‘ldi. Men himoyachilar ortiga ochilishni yaxshi ko‘raman», – dedi Uotkins Sky Sports ga bergan intervyusida.
O‘zaro bahsda qozonilgan g‘alaba «Villa»ga mersisaydliklarni ortda qoldirib, turnir jadvalida to‘rtinchi o‘ringa ko‘tarilib olish imkonini berdi. Unai Emeri jamoasi kelasi mavsum uchun Chempionlar ligasi yo‘llanmasini naqd qildi.
