Миланнинг «Интер» клуби собиқ ҳужумчиси, айни пайтда «Шальке 04» шарафини ҳимоя қилаётган Эдин Жеко ватандоши Тарик Мухаремович ҳақида фикр билдирди. 23 ёшли босниялик ҳимоячи «Сассуоло»дан «Интер»га ўтишга яқин турибди. Жеконинг сўзларига кўра, бу «нерадзуррилар» учун ажойиб келишув бўлади.
«Бу трансфер ҳақиқатдан ҳам амалга ошади деб жуда умид қиламан. Бу Тарик учун ҳам, «Интер» учун ҳам ажойиб қадам. Уни порлоқ келажак кутмоқда. Бу футболчида бундай клубда тўп суриш учун зарур бўлган сифатлар ва керакли менталитет шубҳасиз мавжуд», – деди 40 ёшли Жеко Sky Sport билан суҳбатда.
