«Барселона» дарвозабони Марк-Андре тер Штеген бўлажак трансфер ойнасида «Аякс»га кўчиб ўтиши мумкин. Январь ойида германиялик посбон ўйин амалиётига эга бўлиш учун «Жирона»га ижарага берилган эди, бироқ кўп ўтмай навбатдаги жиддий жароҳатни орттириб олди ва ҳанузгача ундан буткул соғайгани йўқ.
Mundo Deportivo нашрининг хабарига кўра, «Аякс» 34 ёшли дарвозабонни ўз жамоасининг янги «биринчи рақами» сифатида кўрмоқда. Амстердам клуби асосий таркибдан мустаҳкам жой эгаллашга қодир бўлган тажрибали посбон қидирмоқда.
Марк-Андре тер Штегеннинг «Барселона» билан амалдаги шартномаси 2028 йилнинг ёзига қадар мўлжалланган, унинг Transfermarkt порталидаги баҳоси эса 4 миллион еврони ташкил этади. Жорий мавсум давомида футболчи барча мусобақаларда атиги 3 марта майдонда кўриниш берди.
