Мадриднинг «Реал» клуби бош мураббийи Альваро Арбелоа ўз ўрнига Жозе Моуриньо тайинланиши мумкинлиги ҳақидаги хабарларга муносабат билдирди.
«Клуб кейинги мавсум учун мураббий борасидаги қарорни ўзи лозим топган вақтда қабул қилади. Мен учун «Реал»нинг собиқ футболчиси ва мухлиси сифатида Моуриньо — энг зўри. Бир ой олдин ҳам шундай фикрда эдим ва ҳозир ҳам фикрим ўзгармаган. У бизники ва доимо шундай бўлиб қолади. Агар у кейинги мавсумда бу ерга келса, унинг уйига қайтганидан жуда хурсанд бўламан», — дея Арбелоанинг сўзларини келтиради The Touchline нашри.
Эслатиб ўтамиз, Моуриньо 2010 йилдан 2013 йилгача «Реал»ни бошқарган. Унинг қўл остида «қаймоқранглилар» Испания чемпиони бўлишган, шунингдек, мамлакат Кубоги ва Суперкубогини қўлга киритишган.
