Мадриднинг «Реал» клуби сардори ва ҳимоячиси Дани Карвахаль мавсум якунлангач жамоани эркин агент сифатида тарк этади. Бу ҳақда The Athletic хабар берди.

Манбага кўра, 34 ёшли футболчи «қаймоқрангликлар» унинг шартномасини узайтирмасликка қарор қилганидан хабардор.

Хабар қилинишича, Карвахалнинг Саудия Арабистони ёки Яқин Шарқнинг бошқа мамлакатларига кўчиши эҳтимоли ҳам ҳудуддаги вазият туфайли қийинлашган.

Карвахаль «Реал» академияси тарбияланувчиси ҳисобланади. У клуб сафида барча мусобақаларда 449 та ўйин ўтказиб, 14 та гол ва 65 та голли узатма қайд этган.

У «Реал» билан 6 марта Чемпионлар лигаси ва 4 марта Испания чемпионлигини қўлга киритган.