«Манчестер Сити» ҳужумчиси Антуан Семеньо «Челси» дарвозасига ягона голни киритиб, жамоасига Англия Кубоги финалида ғалаба тақдим этди.

Ганалик футболчи учрашувнинг 71-дақиқасида ажралиб турди — бу унинг клубга келганидан бери «шаҳарликлар» сафида урган ўнинчи голи бўлди. Форвард мавсумнинг биринчи ярмида «Борнмут» таркибида ҳам худди шунча — 10 та гол уришга улгурган эди.

Opta маълумотларига кўра, Семеньо бир мавсум давомида АПЛнинг икки хил клуби сафида 10 та ва ундан кўп гол урган тарихдаги иккинчи футболчига айланди. Бу ишни биринчи бўлиб Энди Коул уддалаган: у 1994/95 йилги мавсумнинг қишигача «Ньюкасл» рақиблари дарвозасини 15 бор ишғол қилган, шундан сўнг «Манчестер Юнайтед»га кўчиб ўтиб, манкунианликлар сафида яна 12 та гол муаллифига айланган эди.