«Бавария» ҳужумчиси Харри Кейн Бундеслиганинг сўнгги тури доирасида «Кёльн»га қарши кечган учрашувда (5:1) хет-трик қайд этди. Учрашувнинг 69-дақиқасида инглиз футболчиси узоқ масофадан рақиб дарвозасини ишғол қилиб, баҳсдаги ўзининг учинчи голини урди.
Squawka нашрининг хабар беришича, бу Кейннинг якунига етган Бундеслига мавсумида жарима майдончаси ташқарисидан йўллаган зарбаси орқали киритган олтинчи голи бўлди — бу маълумотлар йиғила бошлагандан бери қайд этилган янги клуб рекордидир. 32 ёшли форвард ушбу кўрсаткич бўйича машҳур Михаэль Баллакдан ўзиб кетди. Баллак 2005/06 йилги мавсумда Германия чемпионатида худди шундай усулда беш бор ажралиб турган эди.
Харри Кейн 36 та гол билан Бундеслига-2025/26 мавсумининг тўпурарлар пойгасида ишончли тарзда ғалаба қозонди.
