«Ливерпуль» раҳбарияти жамоанинг швециялик ҳужумчиси Александр Исак борасидаги режаларини белгилаб олди. iNews журналистларига маълум бўлишича, скандинавиялик форвард кейинги мавсумда ҳам мерсисайдликлар грандида қолади.
Жорий мавсумда Исак ўзини ёрқин кўрсата олмади ва 22 та учрашувда атиги 4 та гол урди. Эслатиб ўтамиз, Александр ўтган йилнинг ёзида «Ньюкасл»дан «қизиллар» лагерига кўчиб ўтган эди. Унинг трансфери учун «Ливерпуль» 145 миллион евро тўлаган. Бугунги ҳолатга кўра, Арне Слот шогирдлари 59 очко билан Англия Премьер-лигаси турнир жадвалида бешинчи ўринни эгаллаб туришибди.
