Хаби Алонсо «Челси»га тез орада бош мураббий этиб тайинланишини яширмаяпти. Мутахассиснинг ижтимоий тармоқдаги расмий саҳифасида «Хаби Алонсо «Челси» бошқарувига ўтишга яқин» деган ёзув қолдирилган ва Marca нашрининг бу ҳақдаги материалига ҳавола (линк) жойлаштирилган янги пост пайдо бўлди.
Аввалроқ, бошқа манбалар Лондон клуби испаниялик мутахассис билан шартнома имзоланганини бугуннинг ўзидаёқ эълон қилиши ҳақида хабар берган эди. Алонсо ўтган йилнинг июнь ойидан жорий йилнинг январь ойига қадар Мадриднинг «Реал» клуби бош мураббийи лавозимида фаолият юритган ва кейинчалик истеъфога чиқарилган эди. Ватанига қайтишдан олдин эса у Леверкузеннинг «Байер» жамоасини бошқарган.
Хаби Алонсо «Челси»даги ишига июль ойи бошидан киришади, унинг шартномаси 2030 йилгача мўлжалланган бўлади.
