Лондоннинг «Арсенал» клуби ярим ҳимоячиси Мартин Субименди мавсум якуни ҳақидаги фикрлари билан ўртоқлашди. Яқин ҳафталарда «тўпчилар»нинг Премьер-лига ва Чемпионлар лигасидаги тақдири ҳал бўлади. Микель Артета шогирдлари маррага икки тур қолганида «Манчестер Сити»ни икки очкога ортда қолдириб, чемпионатда пешқадамлик қилмоқда, Еврокубокнинг ҳал қилувчи баҳсида эса «ПСЖ» билан тўқнаш келади.
«Биз ҳамма совринларни қўлга киритиш учун нима қилишимиз кераклигини аниқ тушуниб турибмиз. Ўз ишимизни бажаришимиз лозим. Барчаси ўз қўлимизда, шунинг учун, менимча, бошқалар билан нима содир бўлаётгани бизни хавотирга солмаслиги керак. Биз бор эътиборимизни ўзимизга қаратганмиз», — дея Субимендининг сўзларини келтиради Daily Mail нашри.
Эслатиб ўтамиз, АПЛнинг сўнгги туридан ўрин олган «Кристал Пэлас»га қарши учрашув 24 май куни бўлиб ўтади, Чемпионлар лигаси финали эса 30 майга режалаштирилган.
