Каталониялик журналист Жота Жордининг таъкидлашича, «Челси» ҳимоячиси Марк Кукурелья шу ёзда Испанияга қайтади.

«Душанба кунидан бошлаб маълум бир ҳаракатлар кутилмоқда. Марк Кукурелья «Челси»га 100 фоиз содиқ. Биз бу ерда унинг сардор эканлиги ва кийиниш хонасида жуда муҳим фигура эканлигини аллақачон айтган эдик. Клуб ундан жуда миннатдор.

Душанба кунидан бошлаб «Барселона» томонидан қандайдир қадамлар — унинг атрофидаги инсонлар (агентлари) билан алоқалар кутилмоқда ва шундан сўнг биз кўпроқ тафсилотларни айта оламиз.

Бугунги кунда мен 1000 фоиз кафолат бера оламанки, Марк Кукурелья «Челси»да қолмайди ва шу ерда, Испанияда ўйнайди. Бу борада иккита клуб бор — «Барселона» ва «Атлетико».

Мен «Барселона» тўғри қадамларни ташлашини ҳамда Кукурелья якунда айнан ўша ерда пайдо бўлишини умид қиламан ва хоҳлайман», — деди Жорди.

Эслатиб ўтамиз, Кукурелья — «Барселона» тарбияланувчиси ҳисобланади. У Испанияда «Эйбар» ва «Хетафе» клублари шарафини ҳам ҳимоя қилган.