Майкл Кэррик «Манчестер Юнайтед» ва «Ноттингем Форест» (3:2) ўртасидаги учрашувдан сўнг «Олд Траффорд»га ташриф буюрган мухлисларга мурожаат қилди.

«Уйдаги мавсумни якунлаш учун ажойиб усул! Қандай ўйин! Биз буни яхши кўрамиз. Биз албатта ўз ҳаётимизни қийинлаштиришимиз керак! Ҳамма нарсани завқли ва ҳаяжонли қилишимиз шарт ва менимча, бугун биз шунчаки ажойиб ўйнадик.

Мен футболчиларга раҳмат айтмоқчиман. Ҳаммага айтаман: бу жуда яхши жамоа. Ҳа, биз бу ерда футбол ва натижа учун йиғилганмиз, лекин бу футболчилар, шу билан бирга, жуда яхши инсонлар ҳамдир ва менимча, бу муҳим. Айниқса, ушбу клубда. Биз бир-биримиз учун фидойилик қиламиз, бир-биримизни қўллаб-қувватлаймиз ва футболчилар муваффақиятга эришишни жуда ҳам исташади», — деди Кэррик мураббийлар штабига ҳам миннатдорчилик билдирар экан.