«Барселона» ярим ҳимоячиси Гави ҳужумчи Роберт Левандовскининг клубдан кетиши ҳақидаги фикрлари билан ўртоқлашди. Польшалик футболчи мавсумнинг ўз майдонидаги сўнгги — «Бетис»га қарши кечган ва 3:1 ҳисобидаги ғалаба билан якунланган ўйинида «кўк-анорранглилар» мухлислари билан хайрлашди.
«Биз Левандовскини жуда соғинамиз. У тарихдаги энг яхши форвардлардан бири. Мен Робертни соғинаман ва унга келажакдаги фаолиятида фақат энг яхши тилакларни тилаб қоламан. 37 ёшда бундай даражада тўп суриш ҳамманинг ҳам қўлидан келавермайди. Левандовски фаолиятининг якуни арафасида бизга келиб қўшилди, бироқ жамоага кўплаб голлар ва совринлар тақдим этди. Биз ундан бир умр миннатдор бўламиз», — деди Гави ўз интервьюсида.
Юлдуз фахрий мавсум тугаганидан кейин Каталония клубини эркин агент сифатида тарк этади.
