«Barselona» yarim himoyachisi Gavi hujumchi Robert Levandovskining klubdan ketishi haqidagi fikrlari bilan o‘rtoqlashdi. Polshalik futbolchi mavsumning o‘z maydonidagi so‘nggi — «Betis»ga qarshi kechgan va 3:1 hisobidagi g‘alaba bilan yakunlangan o‘yinida «ko‘k-anorranglilar» muxlislari bilan xayrlashdi.
«Biz Levandovskini juda sog‘inamiz. U tarixdagi eng yaxshi forvardlardan biri. Men Robertni sog‘inaman va unga kelajakdagi faoliyatida faqat eng yaxshi tilaklarni tilab qolaman. 37 yoshda bunday darajada to‘p surish hammaning ham qo‘lidan kelavermaydi. Levandovski faoliyatining yakuni arafasida bizga kelib qo‘shildi, biroq jamoaga ko‘plab gollar va sovrinlar taqdim etdi. Biz undan bir umr minnatdor bo‘lamiz», — dedi Gavi o‘z intervyusida.
Yulduz faxriy mavsum tugaganidan keyin Kataloniya klubini erkin agent sifatida tark etadi.
