«Барселона» ярим ҳимоячиси Гави мавсумнинг якуний қисмидаги ўз ўйини ҳақида фикр билдирди.
Испаниялик футболчи ўтган йилнинг август ойида олган жароҳати сабабли шу йилнинг март ойига қадар майдонга туша олмаган эди. Апрель ойида 21 ёшли футболчи асосий таркибдан жой олишга муваффақ бўлди — ўшандан бери у мунтазам равишда илк дақиқалардан майдонга тушмоқда.
«Бахтимизга, мураббий менга ишонч билдирмоқда. Менимча, мен унинг ишончини оқлай олдим. Мавсум охирида юқори даража намойиш этишнинг уддасидан чиқдим. Фликнинг менга бўлган ишончига мана шундай жавоб қайтара олганимдан фахрланаман», — деди Гави Ла Лиганинг 37-тури доирасида «Бетис» устидан қозонилган ғалабадан (3:1) кейин берган интервьюсида.
23 май куни «Барса» мавсумнинг сўнгги учрашувида «Валенсия» меҳмони бўлади.
