«Barselona» yarim himoyachisi Gavi mavsumning yakuniy qismidagi o‘z o‘yini haqida fikr bildirdi.

Ispaniyalik futbolchi o‘tgan yilning avgust oyida olgan jarohati sababli shu yilning mart oyiga qadar maydonga tusha olmagan edi. Aprel oyida 21 yoshli futbolchi asosiy tarkibdan joy olishga muvaffaq bo‘ldi — o‘shandan beri u muntazam ravishda ilk daqiqalardan maydonga tushmoqda.

«Baxtimizga, murabbiy menga ishonch bildirmoqda. Menimcha, men uning ishonchini oqlay oldim. Mavsum oxirida yuqori daraja namoyish etishning uddasidan chiqdim. Flikning menga bo‘lgan ishonchiga mana shunday javob qaytara olganimdan faxrlanaman», — dedi Gavi La Liganing 37-turi doirasida «Betis» ustidan qozonilgan g‘alabadan (3:1) keyin bergan intervyusida.

23 may kuni «Barsa» mavsumning so‘nggi uchrashuvida «Valensiya» mehmoni bo‘ladi.