«Барселона» ярим ҳимоячиси Марк Берналь ўз майдонидаги сўнгги учрашувдан сўнг мавсум якунларини сарҳисоб қилди. Ханс-Дитер Флик шогирдлари ўз уйларида «Бетис»ни мағлуб этишди (3:1). Шу тариқа, каталонияликлар ноёб натижани қайд этишди — улар Ла Лиганинг жорий мавсумида ўз майдонларида ўтказилган барча 19 та учрашувнинг барида ғалаба қозонишди.
«Биз ўз олдимизга уйдаги барча ўйинларда ғалаба қозонишни мақсад қилиб қўйгандик ва буни уддалаганимиздан хурсандман. Чемпионатдаги иштирокимиз ҳақида гапирадиган бўлсак, бу мавсум деярли идеал ўтди. Албатта, биз мамнунмиз. Жамоамиз «Камп Ноу»да ўзини жуда ишончли ҳис қилмоқда», — деди Берналь журналистлар билан суҳбатда.
«Барселона» чемпионатнинг 37 туридан сўнг 94 очко жамғарди. Мавсумнинг сўнгги ўйинида «кўк-анорранглилар» сафарда «Валенсия» билан тўқна келишади.
