«Барселона» бош мураббийи Ханс-Дитер Флик «Бетис»га қарши ўйинда жамоаси дарвозасига белгиланган пенальти ҳақида гапирди. Учрашув Каталония грандининг 3:1 ҳисобидаги ғалабаси билан якунланди. Ўйиннинг 68-дақиқасида меҳмонлар ўзларининг ягона голини уришди — ўн бир метрлик жарима зарбасини Иско аниқ амалга оширди.
«Ўша вазиятда ҳакам нимага асосланиб пенальти белгилаганини билмайман. Мен ундан бу борада тушунтириш олишни истардим. Менинг назаримда, у ерда пенальтининг ҳатто ишораси ҳам йўқ эди, лекин барибир белгиланди. Нима бўлган тақдирда ҳам, бунинг энди аҳамияти йўқ», — дея Испания ОАВлари Фликнинг сўзларини келтирмоқда.
«Барселона» сўнгги тур олдидан 94 очко жамғарган ҳолда Ла Лига турнир жадвалида пешқадамлик қилмоқда ва Мадриднинг «Реал» клубини 11 очкога ортда қолдирмоқда.
