«Барселона» мавсумнинг ўз майдонидаги сўнгги учрашувида «Бетис» устидан ғалаба қозонди (3:1). Рафинья Диас дубъл қайд этган бўлса, меҳмонлар дарвозасига учинчи тўпни Жоау Канселу киритди. Шу тариқа, каталонияликлар Ла Лиганинг жорий мавсумида ўз уйларида ўтказилган барча 19 та учрашувда ғалаба қозонишди.

«Иккинчи бўлимда қийинчиликларга дуч келдик, аммо барча футболчиларда ўйинни ғалаба билан якунлаш учун кучли хоҳиш бор эди. Ишга бўлган бундай муносабатни ва бундай сифатни кўриш жуда ёқимли. Ҳимояда яхшироқ ўйнай бошлаганимиздан хурсандман. Бу ажойиб. Ҳамма бор кучини 100 фоизга бермоқда», — дея «кўк-анорранглилар» бош мураббийи Ханс-Дитер Фликнинг сўзларидан иқтибос келтирмоқда Barca Universal нашри.

«Барселона» Мадриднинг «Реал» клубини 11 очкога ортда қолдирмоқда. Сўнгги турда чемпионлар «Валенсия» меҳмони бўлишади.