Жозе Моуриньо тез орада «Реал» бош мураббийи лавозимига қайтади. The Touchline нашри тарқатган маълумотларга кўра, у Мадрид клубидан аллақачон тўртта трансфер йўналиши бўйича иш бошлашни сўраган.
Моуриньо «қаймоқранглилар» таркибига қуйидаги позициялар учун футболчилар сотиб олинишини истамоқда:
Бир ёки иккита марказий ҳимоячи;
Битта ўнг қанот ҳимоячиси;
Бир ёки иккита ярим ҳимоячи;
Битта вингер.
Эслатиб ўтамиз, якшанба куни «Реал» сафарда «Севилья»ни 1:0 ҳисобида мағлуб этди. Ягона гол муаллифи Винисиус Жуниор бўлди. Мадридликлар 2025/2026 йилги мавсумнинг сўнгги ўйинини шанба куни, 23 майда ўз майдонларида «Атлетик»ка қарши ўтказадилар.
