«Манчестер Юнайтед» бош мураббийи Майкл Кэррик жамоанинг «Олд Траффорд»даги мавсумни қандай якунлаганидан мамнун бўлди. Мавсумнинг ўз майдонидаги сўнгги учрашуви — АПЛнинг 37-тури доирасида «Ноттингем Форест»га қарши кечган баҳс 3:2 ҳисобидаги ғалаба билан тугади.
«Бу яхши кун бўлди. Мавсумни юқори кайфиятда якунлаш қанчалик муҳим эканини жуда яхши тушуниб тургандик. Жамоа, жамоавий муҳит ва бутун клуб олдинга томон жиддий қадам ташлади. Кўплаб сабабларга кўра мавсумни айнан шундай тугатиш аҳамиятли эди», — дея Кэррикнинг ўйиндан сўнг Sky Sports телеканалига берган интервьюсидан иқтибос келтирмоқда ОАВ.
«Юнайтед» устози Бруну Фернандешнинг голли узатмасини алоҳида эътироф этди — ушбу ассист эвазига португалиялик футболчи чемпионат рекордини такрорлади.
«Бу барча учун жуда ёқимли вазият бўлди. Уни муносиб тақдирлаш керак, чунки бундай ишларни амалга ошириш осон эмас. У доимо, биринчи навбатда, жамоа ҳақида ўйлайди. Даҳшатли ютуқ».
«Манчестер Юнайтед» 68 очко жамғарган ҳолда турнир жадвалида 3-ўринни нақд қилиб бўлди. Сўнгги турда жамоа «Брайтон»га қарши майдонга тушади.
