«Болонья» клубининг чап қанот вингери Жонатан Роу жамоасини ўзгартириши мумкин. Бу ҳақда Teamtalk нашри хабар тарқатмоқда.

Футболчига АПЛнинг топ-клублари томонидан жиддий қизиқиш бор. Хусусан, Роуни ўз сафига қўшиб олишни «Манчестер Юнайтед» ва «Челси» клублари хоҳламоқда. Ўз навбатида, «Болонья» ҳам футболчи учун трансфер нархини белгилади.

Италия клуби инглиз вингери учун 40 миллиондан 45 миллион еврогача бўлган миқдорда маблағ олмоқчи. Жорий мавсумда Жонатан Роу «Болонья» сафида барча мусобақаларда 42 та ўйинда майдонга тушди. Ушбу баҳсларда вингер «гол+пас» тизимида «8+4» (8 та гол ва 4 та голли узатма) натижа қайд этди.