«Реал» дарвозабони Тибо Куртуа Даниэль Карвахальнинг жамоадан кетаётганига муносабат билдирди. Бугун мадридликлар 34 ёшли ҳимоячи мавсум якунида клубни тарк этишини расман эълон қилишган эди.

«Жангчи, ғолиб ва энг муҳими — ақл бовар қилмас шерик. Сен майдонда ҳақиқий афсона эдинг, аммо ундан ташқарида ҳам барчага намуна бўлдинг. Ким эканлигингни исботлаш учун неча бор йиқилиш керак бўлса, шунча йиқилдинг ва қайта оёққа турдинг. Ва сен ҳар сафар янада кучлироқ бўлиб қайтдинг. Сени бошқалардан ажратиб турадиган жиҳат ҳам айнан мана шунда.

Менинг фаолиятимдаги энг оғир дамларда сен ёнимда бўлдинг, худди мен сенинг ёнингда бўлганимдек. Биз бирга азоб чекдик, жанг қилдик ва биргаликда чўққиларни (осмонларни) забт этдик. Бу хотиралар эса абадий қолади.

Сен билан бир кийиниш хонасини баҳам кўриш ва бирга тўп суриш мен учун шараф эди. Бироқ футбол тугаганида, инсонийлик қолади.

Ҳаммаси учун раҳмат, Дани», — деб ёзиб қолдирди Куртуа.