«Ливерпуль»нинг собиқ ҳимоячиси Жейми Каррагер жамоа ҳужумчиси Муҳаммад Салоҳ ҳақида танқидий фикр билдирди.

Аввалроқ мисрлик футболчи «Ливерпуль» аввалги ҳужумкор услубига қайтишини истаётганини айтган эди.

— Мен ҳайрон эмасман. Мен ҳаммага айтгандим: мавсум охиригача яна қандайдир воқеа юз беради. У яна “бомба” ташлайди, худди Криштиану Роналду «Манчестер Юнайтед»дан кетишидан олдин қилганидек. Мен бу мавсум тугагач, у кетганидан кейин бўлади деб ўйлагандим, аммо йўқ. Икки йилдан камроқ вақт олдин мен уни бир интервьюси сабабли худбин деб атагандим ва ҳозир ҳам бу тасдиғини топмоқда.

«Ливерпуль»ни олдинда жуда муҳим ҳафта кутмоқда. Жамоа ҳали Чемпионлар лигаси йўлланмасини кафолатлаганича йўқ ва ҳозир гап Ливерпуль ҳақида кетиши керак, Салоҳ ҳақида эмас, — деди Каррагер.

Муҳаммад Салоҳнинг "Ливерпуль" билан амалдаги шартномаси 2027 йил ёзигача мўлжалланган. Шунга қарамай, футболчи мавсум якунида инглиз клубини тарк этишини аллақачон маълум қилган.