Карло Анчелотти ўз қарорини қабул қилди. Бразилия терма жамоасининг жаҳон чемпионати учун таркиби эълон қилинди. Рўйхатни очиқлашдан олдин Анчелотти танлов жараёни жуда мураккаб кечганини таъкидлади.
«26 нафар футболчидан иборат таркибни танлаш жуда қийин бўлди. Рақобат даражаси жуда юқори. Аввалги йиғинларга чақирилган айрим футболчилар ҳозир мен номларини айтадиган таркибдан норози бўлишлари мумкин. Бундан жуда-жуда афсусдаман. Фантастик ишни амалга оширган барчага катта раҳмат.
Таркиб бўйича менга жуда кўп маслаҳатлар берилди: журналистлар, экспертлар, блогерлар, хонандалар ва собиқ футболчилар томонидан. Бутун дунёда ҳамма ўз маслаҳатини беришга ҳаракат қилди. Ҳатто самолёт учувчиси ҳам мендан кимни чақиришимни сўради», — деди Анчелотти матбуот анжуманида.
ЖЧ-2026 гуруҳ босқичида Бразилия терма жамоаси Марокаш, Гаити ва Шотландияга қарши баҳс олиб боради.
