«Реал» вингери Винисиус Жуниор ЖЧ-2026 учун таркибга киритилгани ҳақида ўз фикрлари билан ўртоқлашди. 25 ёшли футболчи Бразилия терма жамоасининг бўлажак турнир учун якуний қайдномасидан жой олди.
«Илгари Сан-Гонсалуда ялангоёқ тўп тепган ўша болакай қайтди. Жаҳон чемпионати — ҳар қандай футболчи фаолиятининг чўққисидир, мен эса ўз фаолиятимдаги иккинчи мундиалга йўл олмоқдаман.
Энг яхши 26 нафар футболчи қаторидан жой олиш учун уч ярим йил тинимсиз меҳнат қилиш талаб этилди. Бу осон бўлмади. Ишонч учун мураббийга, доимий қўллаб-қувватлаганлари учун оилам ва мухлисларга раҳмат айтаман.
ОЛҒА, БИРГАЛИКДА!!! Биз — Бразилиямиз ва мамлакатимизга қувонч улашиш учун бор кучимизни берамиз.
Бу галги тарих бошқача бўлсин!!! Жамоамизга ишонинг!!! Орзу яшамоқда!» — деб ёзди Винисиус ижтимоий тармоқдаги саҳифасида.
