"Челси" собиқ устози Энцо Мареска "Наполи"да ишламайди.
Журналист Альфредо Педулланинг ёзишича, италиялик мутахассиснинг номи аввалроқ "Наполи" билан боғланган бўлса-да, у ҳеч қачон номзодлар қаторида бўлмаган ва камида охирги 3-4 ҳафта ичида клуб томонидан муҳокама қилинмаган.
46 ёшли мутахассис Пеп Гвардиоланинг "Манчестер Сити"даги келажаги бўйича якуний қарорини кутмоқда. Мареска инглиз клубини бошқаришга тайёр.
Аввалроқ Daily Mail нашри испаниялик мураббий Англия чемпионати якунида истеъфога чиқишга қарор қилгани ҳақида хабар берган эди. Расмий баёнот якшанба куни чиқиши кутилмоқда.
