Мадриднинг «Реал» клуби қанот ҳимоячиси Даниэль Карвахаль ижтимоий тармоқлар орқали «қироллик клуби»дан кетаётганига муносабат билдирди. Футболчи жамоани эркин агент мақомида тарк этади.

«Мен жамоани тўлқинланган қалб ва фахр туйғуси билан тарк этмоқдаман. Қўлимдан келган барча нарсани ушбу жамоага бердим», – дейилади футболчининг хабарида.

34 ёшли ҳимоячи «қироллик клуби» сафида 2013 йилнинг ёзидан буён тўп суриб келаётган эди. Томонлар ўртасидаги меҳнат шартномаси 2026 йилнинг июнь ойи охирида якунига етади. Карвахальнинг бозор қиймати 6 миллион еврога баҳоланмоқда. Ла Лиганинг 2025/2026 йилги мавсумида ҳимоячи 16 та учрашувда майдонга тушди ва самарали ҳаракатлар билан ёдда қолмади.