Дортмунднинг «Боруссия» клуби қанот ҳужумчиси Карим Адейеми «Манчестер Юнайтед» ва «Челси» клубларининг қизиқишлар доирасига кирди. Бу ҳақда TEAMtalk нашри хабар бермоқда.
Манбанинг маълумотларига кўра, Англиянинг ҳар икки гранд клуби 24 ёшли футболчига жиддий қизиқиш билдирмоқда. Германиялик футболчининг «Боруссия» билан янги шартнома борасидаги музокаралари ҳозирча олдинга силжиган йўқ, унинг амалдаги келишуви эса 2027 йилнинг ёзида якунига етади.
«Асаларилар» Адейемини текинга бой беришни исташмаяпти, шу сабабли уни тахминан 69 миллион евро эвазига сотишга тайёрлар. Жорий мавсумда Адейеми барча турнирларда 39 та учрашувда майдонга тушиб, 10 та гол урди ва 6 та голли узатмани амалга оширди.
