Dortmundning «Borussiya» klubi qanot hujumchisi Karim Adeyemi «Manchester Yunayted» va «Chelsi» klublarining qiziqishlar doirasiga kirdi. Bu haqda TEAMtalk nashri xabar bermoqda.

Manbaning ma’lumotlariga ko‘ra, Angliyaning har ikki grand klubi 24 yoshli futbolchiga jiddiy qiziqish bildirmoqda. Germaniyalik futbolchining «Borussiya» bilan yangi shartnoma borasidagi muzokaralari hozircha oldinga siljigan yo‘q, uning amaldagi kelishuvi esa 2027 yilning yozida yakuniga yetadi.

«Asalarilar» Adeyemini tekinga boy berishni istashmayapti, shu sababli uni taxminan 69 million yevro evaziga sotishga tayyorlar. Joriy mavsumda Adeyemi barcha turnirlarda 39 ta uchrashuvda maydonga tushib, 10 ta gol urdi va 6 ta golli uzatmani amalga oshirdi.