«Барселона» бош мураббийи Ханси Флик Каталония клуби тарихида янги саҳифа очиш арафасида. Германиялик мутахассис ўзидан олдинги машҳур мураббийларнинг натижаларини ортда қолдириши мумкин.

Агар «Барселона» навбатдаги турда «Валeнсия» устидан ғалаба қозонса, Флик Ла Лигадаги дастлабки икки мавсумида 76 та ўйиндан 60 тасида ғалаба қозонган илк мураббийга айланади.

Ҳозирча бу борадаги рекорд Луис Энрикега тегишли бўлиб турибди. Испаниялик мутахассис ўз вақтида дастлабки икки мавсумда 59 та ғалабани қўлга киритган эди. Клуб афсонаси Пеп Гвардиола эса 58 та ғалаба билан ушбу рўйхатда учинчи ўринни эгаллаб турибди.