«Челси» бош мураббийи вазифасини бажарувчи Калум Макфарлейн лондонликлар клубида Хаби Алонсонинг мураббийлар штабига қўшилади, бу ҳақда The Athletic нашри хабар бермоқда.
Испаниялик мутахассис мавсум якунланганидан кейин жамоа бошқарувини қўлга олади.
Шунингдек, Алонсонинг штабидан унинг «Реал»даги фаолияти давомида бирга ишлаган тўрт нафар ёрдамчиси ҳам жой олади. «Челси»нинг стандарт вазиятлар бўйича мураббийи Бернардо Куэва ва дарвозабонлар мураббийи Бен Робертс ҳам Алонсо даврида ўз лавозимларини сақлаб қолишлари ҳақиқатга яқин.
Хаби Алонсо клубга яна бир нечта мутахассисларни олиб келиши ҳам истисно этилмаяпти.
